انڈیکاکار سے۷؍لاکھ روپئے کا گانجہ ضبط

ناندیڑ: ۹؍جولائی ( نامہ نگار)ناندیڑ دیگلور روڈ پر پولس نے نائیگاؤں سے قریب ایک انڈیکاکار سے ڈھائی سو کلو گانجہ ضبط کیا ہے ۔ پولس اطلاع کے مطابق رام تیرتھ پولس اسٹیشن کے انسپکٹر سُدھاکر جگتاپ کو خفیہ اطلاع ملی تھی کہ آندھراپردیش سے ایک کار میں گانجہ بھرکر لے جایا جارہا ہے ۔ اس خفیہ اطلاع پر آج دوپہر ۳۰:۱۲بجے انہوں نے جال



بچھاکر دیگلور سے ناندیڑ کی طرف آرہی انڈیکاکار کو روکا اس انڈیکاکار میں ڈھائی سو کلو گانجہ برآمد ہوا ۔ جس کی قیمت ساڑھے سات لاکھ روپئے بتائی گئی ہے ۔ پولس نے ناندیڑ کے مالیگاؤں روڈ علاقہ کے رہنے والے وسنت راٹھوڑ کو حراست میں لیا ۔ پہلی بار پولس نے بھاری مقدار میں گانجہ ضبط کیا ہے ۔ ملزم کے خلاف رام تیرتھ پولس اسٹیشن میں مقدمہ درج کیا گیا ہے ۔